ZZBattorinas del Campidano-Novembre
/ 0
Dettagli
- Dettagli
- Pubblicato Sabato, 13 Agosto 2016 14:15
- Scritto da Giuseppe
- Visite: 1059
Battorinas de Onnyasantu > Novembre
Onnyasantu > Sant'Andrìa > Novembre.
Cumentzat a Onnyasantu
finit a Sant'Andrìa...(da completare)
Torràda...
S'Arregotta de s'olìa (La raccolta delle olive)
In su mes''e Onnyassantu
cumentzat a imbraxài
s'olìa parrit ispantu:
is saccus preparai.
Torràda...(Trallaleru)
E sena de iscaresci
de puliri su strexu
ki no boleis nexi
a tenni ollu pudesciu.
Torràda...
A cumentzu de ierru
mannus e picciokkeddus
cun cilirus de ferru
e scalas e scarteddus.
Torràda...
Parteus a manjanéddu
candu sa cilixìa
ti gelat su cerbéddu
ki no portas cicìa.
Torràda...
A s'olivariu andaus
est una festa manna
s'olìa pinnicaus
sena de scùdi a canna.
Torràda...
Torraus iscurighéndi
tottu sa cumpanjìa
a sa mola portendi
is saccus de s'olìa.
Torràda...
Boddendi s'arregòlit
su dolori de skina
po-y cussu no nci bòlit
de dottori mexìna.
Torràda...
Ca s'ollu de oru biendi
abarraus cuntentus,
de prèssi iscarescéndi
doloris e trumentus.
Torràda... (fine)