ZZRime del Campidano-p
/ 0
Dettagli
- Dettagli
- Pubblicato Domenica, 13 Agosto 2017 10:35
- Scritto da Giuseppe
- Visite: 2937
GIGOLETTE o callellèdda mia > di Toto Putzu
Gigolette, o callellèdda mia,
pentzendu a custu mundu maladittu,
a Priscina, assa Serbia, ass’Albanìa
e assu macchi mini ‘e custu cunflittu
cun d’u’ milioni ‘e genti in agonìa
scampàda de omnia crimini e delittu
casi inde fatzu una maladìa
de essi homini e dess’ humanu dirittu.
Biàda ses tui una cani
chi no conoscis sa natura humana
e mi castias cun ogus de arrèsi
scoittendu po un’arrogheddu ‘e pani:
deu de essi homini mi passat sa gana
e tristu invidiu de essi su chi sesi!
Totu
Imbàba Pippius
Ohi! Ohi! Ohi!
Est mortu Lollòi.
“E ki d’hat mortu”?
Su babbu ‘e tottu!
“E ita d’hat lassàu”?
Unu bòi scorràu!
“E ita d’hat acciùntu”?
Unu saccu pertuntu!
“E aintru ‘essu sàccu”?
Unu catzèddu braccu!
“E aintru ‘essu catzéddu”?
Unu moru niéddu!
“E aintru ‘essu moru”?
Una cascìtt’’e oru!
“E aintr’’essa cascìtta”?
Una pedra dirìtta!
“E aintr’’essa pedra”?
Una pabia de mèdra!!!
E Ninnaiòni tenit un’erbei,
E candu dha mullit dhi fait su pèi,
e ndi scavulat latti e casillòni!
A cantai is cogius de Ninnaioni!!!
- Y assu babbài proceddèddus cottus
- Y assa mammài camisas arrandàdas
- Y assa pippìa bellas nadiàdas!!!
Peppi diritti di copyright - Giuseppe Concas - nominis.net